Əfqanıstan İslam Əmirliyinin İnformasiya və Mədəniyyət Nazirliyinin məlumatına görə, son 4 ildə müxtəlif ölkələrdən təxminən 24 min turist ölkənin bir çox əsas yerlərini ziyarət etmək və Əfqanıstan mədəniyyəti ilə tanış olmaq üçün bu ölkəyə daxil olub. ABŞ və NATO-nun dəstəklədiyi Kabil administrasiyası dövründə bu rəqəmə heç vaxt yaxınlaşmayıb.
Hafta.az-ın yazdığına görə, İnformasiya və Mədəniyyət Nazirliyinin sözçüsü Həbib Qufran deyib: "Müxtəlif ölkələrdən Əfqanıstana gələn bu turistlər öz şəxsi maraqlarına, zövqlərinə və səyahət məqsədlərinə uyğun olaraq müxtəlif vilayətlərə səfər ediblər. Mədəni və tarixi səfərlər üçün gələn turistlərlə yanaşı, təbii gözəllikləri, görməli yerləri görməyə gələn turistlərimiz də var”.
Təhlükəsizliyin artırılması, bəzi mədəniyyət obyektlərinin bərpası və Əfqanıstanın zəngin təbii sərvətləri ölkənin turizm artımının arxasında duran mühüm amillər hesab olunur.
İqtisadiyyat və mədəniyyət ekspertlərinin fikrincə, turizm sənayesinin inkişafı Əfqanıstan üçün gəlir mənbəyi ola, onun tarixi və mədəni görməli yerlərini təbliğ edə və ölkədə iş imkanları yarada bilər.
